لو جت علي الجرح عادي
بس تبعد عالكرامه
والاهانه والمهانه
حتي لو دورك جبانه
حتي لو عشت الخيانه
كله عادي
مش مهم تروح لحد غيري
مش مهم تنسي طيري
ماهي لو دامت ياشاطره
كانت دامت لغيري
مش مهم تبيعي نفسك
ماانت ياما
بالقليل بتبيعي نفسك
برضو عادي
انك تبيعي نفسك
وحادي بادي
كرنب زبادي
شاله وحطه وكله عالادي
ياكتكتوت شوفت الموت
شوفت حروفك مكتوبه بسكوت
والا اعملك فتنه ولحمه
ولا اعملك شاي مظبوط
ولا اقولك نفتح سيرك
تعملي انت ست الحسن
وارسم كل ملامحك حزن
والعب دور الواد عطعوط
تعرفي تمشي فوق الحبل
ولا اخرك دور الجهل
ولا موصوفلك بامانه
تعشقي بغل
اقولك نفتح حانه
ونكتب يافطه كبيره
هنا فيه خيانه
فرصه ويلا عندنا عرض
كله مباح بس بشرط
اوعي يكون ضميرك صاحي
عرض خيانه
ناس متهانه
عرض اباحي
والا اقولك نصيحه اخيره
لمي كسورك
لمي تعابينك من عالارض
ونزلي يلا التتر بسرعه
مخلاص مبقاش فيه عرض
احمد عبدالحق