هودعك 
............
رغم الفراق أصعب
ما بينا هودعك ..
وفي أيدي همس
لليل هناك هيرجعك 
إحساس غرام
ما تسيبشي
حضني عشان أعيش
هداري دمعي في ضحكتك
غيرك ما ليش
هرسم في قلبك شوق طويل
وأبعت سلام مع كل طير
وأوصي قمري يكون
لي عين يسهر عليك 
هبعت كمان نسمه
تأنسك في الطريق
توصف لك القلب
في بعدك تاه غريق
جواه شجن جواه دموع
بأيديه يشاور ع الرجوع
لا صوتي قادر تسمعه
قلبك وخايفه أودعه
وده غصب عني يسيب هناه 
والروح هيامها تكون معاه
عشقاه أنا عاشقه الحياه
غمضت عيني هعيش
في حلم ليوم لقاه
وأصحى على صوت الحياه 
حاضنه هواااااه
وتاني مره ما فيش
وداع هروح معاااااه ..
بقلم .. صبري رسلان