العمر دا فات وعدى
زى نسمه صافيه حلوه
 كنت اتمنى رجوعها تانى
 قالواحلم بس واسكت
  لما كنت لسه نونو
 كنت اقول امته واكبر
لما عودى اشتد بى
 شيلونى المسؤليه
 انت راجل مش صغير
شيل واسكت ولا همسه
 فضلت احارب لاكل عيشى
 وكل يوم بيزيد همومى
  كل يوم اقول دى هانت
 تزيد على المسؤليه
 حتى شعر راسى شاب
وحذفو اسمى من الشباب
 حتى جلد وشى كرمش
 والعيون مابقتش هى
 كل داه م المسؤليه
الولد عاوز عروسه
والبنات عاوزين جهاز
 نفسى يوم ارتاح فى بيت
  نفسى انام واقوم بكيفى
   بس داه مش مسؤليه

كلمات سيد الحفناوى