🌲لحظة واحدة🌲بقلم الشاعر المتألق 👈ناجي فايد

لحظة واحدة..

لحظة واحدة والصورة تكمل...
مهما قالوا عنك يا بلدي..
صورتك جميلة والأصل أجمل..
لحظة واحدة والصورة تكمل..
بورتريه صورتك يجنن...
مهما رفعوا سعرك يحنن..
ما انتي مش للبيع يا بلدي..
يا حتة منى يا مهد ولدي..
وكل لمسة في قصيدتي ليكي
بتخلي صورتك في عنيا أجمل..
لحظة واحدة والصورة تكمل..
كل يوم ابني بيكبر أدام عنيا..
والأمل عمال يضلل عالبنية
وطوبة طوبة ببني ليكي فرحتك
عروسة يا بلدي وبشغل بإيدي طرحتك..
افرحي وفرحي كل الحبايب..
وخلي صورتك ابتسامة للأمل..
لحظة واحدة والصورة تكمل
كل الصور لما بدأت في رسمها..
صورتك يا مصر مفيش أبدا زيها.
هي كدا رب الخلايق ربها..
رازق وكل بلد على أدها..
إلا انتي يا أمي وبنتي..
يا بويا واخويا وابني وزوجتي
يا مهد الحضارة يا نبع المنارة.
يا تعبي وراحتي
 يا دعمي في صراحتي
يا شايلة الهموم وحملك جمل
لحظة واحدة والصورة تكمل..

تحياتي..
الشاعر ناجي فايد

مصر..