«((( حلاوه روح )))» بقلم الشاعر المتألق👈صبري رسلان

حلاوه  روح 
...................... 
تقريبا  كده  قام  كح 
خلصت  جدعنته  وبح 
لا عرف من  يومها  الصح
لا  نام  وأرتااااح  دمه اتعكر
عالكيف  ساب  نفسه  وراح 
عمره  وضايع  تايه  بايع 
أحزاااان  ولا  يوم   أفراح  ..
أيام  كتير  فاتت  عديت 
كل  البيبان عني  إتسديت
ما لقيتش أيد  تيجي  تطبطب
ولا  حد  على  بابي  يخبط 
حتى  اللي  مني  قال  إنفضاااات 
لفيت  كتير  ما في  باب  مفتوح
عايش في  دنيا   حلاوه  روح 
ما  كفايه  خفي  يا دنيا  عناد 
دقت  المرار  ملحك  كده  زاد
لملمت حالي  في  جنب  الحيط
لشيبتي  ضله  وضهر  وبيت
بعد  الهنا  فرشيتي توب  خيش
وأيد  بتشحت  لقمه  عيش
ضيعت  نفسي بجدعنتي   
وأخره  جمايلي  دي  أذيتني
وصرفت  على ناس  وباعتني
في  الكيف  رموني  وبأرادتي   
عليت  صحاب  داسوا  عليا
بتراب  باعوني ما ليش  ديا
حوطت  نفسي  بطوق  فيه  شوك
غدر  الصحاب في  الوحل  سابوك   
ميت  واسم  إن  أنا  موجود
واللي  إشترتهم  بعدوا  نسوك   
حتى  اللي مني  قالوا  دفنوك 
للكيف  فاتوني  في جمره  رموك 
ميت  وحي  الناس دبحوك 
نصبين  عزايا في أرض  الشوك         
بقلم  ..  صبري رسلان