أنا الدار العامرة
سكنتوني
ف جنان خاوي خالي
بين السوق والحبس
علاش يا حضرا
خليتو لغراب ينعي موتي
ب صوت حزين..
الجرح كبير
ما يبرا....
سولو التاريخ عليا
يعطيكم من الهمة خباري
اللي نكر احساني/خيري
ماشي ولد الراجل
ماشي من عاري/جاري
شفتوني ساكت
ما ندير عار
ارميتوني وسط الجمرة
أنا يا ناس عالم عارف
بهاذ الدنيا المرة...
كgولولي يا ولاد الناس
آش هذا الحgرة ..؟!
واش هاذا أصل
ولا قرود الحفرة
من الجذور المرة..؟!
أنا عارف تاريخكم
ملي جيتو أول مرة
ملي كحالت عليكم
وقهراتكم السمرا...
هزيتو اخيامكم
وهجرتو لبلاد
وورينا لكم كيف تكون الرجلة..
كرمناكم لما ظلامت عليكم الgمرة
ويلا سولتوني شكون أنا
أنا فرع من ذيك الشجرا...
اللي طلب كرامتي
ألف مرحبا ومرحبا
واللي نكر خيري
لقيط ودفلة مرة
والحكمة تقول يا اهلي
إلا كرمت لكريم ملكتو
ايلا كرمت اللئيم تg نوا وعرفتو
ومبقات معاه لا صحبا
ولا هضرا
سولو ال
يبين ليكم الظلمة
من الكg مرات...
ليست هناك تعليقات:
إرسال تعليق