آه يا دنيا 
.................
والله يا دنيا ..
أنا قلبي طيب 
ما تخاااااااافيش ..
وفى جنب حيطك بمشي 
دوغري وعايز أعيش
صاحبت
 نااااااااااااااااااس ..
كاااان خوف منهم 
ومين ده يعدل موازينهم 
همشي حالي وأسايرهم 
ده الخوف ده جبااااان ..
حبه حبه إنقل وصل 
وخبي لم اللي إتكسر .. 
إدفنه لا يباااااااان ...
عملوللي صيت بينهم منهم 
مجرم يا نااااس من منازلهم 
ما أنا كنت عايش من غيرهم 
ووسط ناس كتر خيرهم 
عالراس متشاااااااال ..
 تقولوا أييه ..
في شيطان راسي 
خلاني حوت وأضرب ناسي 
بدوس في وحل مرار كاسي 
أشرب كماااان لسااااك ناسي 
ده المسجد فين ... 
إبني الوحيد شاف قلدني 
على البودره راح غصب عاندني     
في لحظه ضاع مين يسندني   
عاجز يا ناااااس كيف قيدني 
لا قدرت أمسح في دموعه 
ولا كتر مال فاد في رجوعه 
لا عرفت بضحك ولا أبكي 
جوايا بنزف مش بشكي 
تاه عقلي تاه برقص وأضحك 
لا فلوس تعدل ميل بختك 
ولا سيل دموع يشتري راحتك     
أكل الحرام قل مناعتي
شبعني داااار زاد في وجيعتي
النار في لحظة كلت بيتي
وباقيللي كوم في تراب حيطي
من جاه حرام راح وفى ثانيه
وخداااااااااااااااها كنس 
وما نسيتي ...   
الكل راح فاتني لحالي
وقالوللي دوسناك يا الغالي     
ورموني برخيص مش غالي 
ما ضحوا بيا ما رااااح مالي
سجنوني شاوروا إنت الجاني 
صدقت كدبه مشيت فيها 
وهم في حقيقه مقضيها 
ضاع عمري ما رااااح   
كان نفسي أنام لو يوم مرتاح 
راضي بنصيبي فرح وجراح
واقول يا دنيا كفايه سماح   
ده خيااااال عالحيط ...
لا عاد هيهرب من ندمه 
ولا عاد فيه يا ريت ..
بقلم .. صبري رسلان